Hlăm mmông drông, K’iăng Khua phŭn bruă Đặng Hoàng Giang bi mklă Việt Nam, hŏng bruă klam ala čar gĭt gai klei bi hgŭm ASEAN- Ăngle wưng 2024 - 2027, srăng lŏ dơ̆ng bi hgŭm kjăp hŏng Ăngle kñăm tă hdră klei bi hgŭm ASEAN-Ăngle mđĭ kyar ktang, kluôm, sui leh anăn hdră bruă, djŏ tuôm hŏng klei bi hgŭm dua tĭng leh anăn djŏ hŏng klei čiăng boh klei mrâo.

Việt Nam ăt dôk gĭr gĭt gaim mđĭ mkŏ mjing  Hdră ngă bruă ASEAN - Ăngle wưng 2027 - 2031, kƀĭn hlăm dŭm bruă bi hgŭm mđing tal êlâo msĕ si bruă duh mkra, ngăn prăk, bi mlih mtah, mđĭ kyar kjăp, mdrơ̆ng hŏng klei bi mlih yan adiê, mlih mrâo mbruă, bi hgŭm êa ksĭ… Kơ klei bi hgŭm, K’iăng Khua phŭn bruă Đặng Hoàng Giang bi mni kơ klei đru mơ̆ng Ăngle kơ Việt Nam hlăm bruă mkŏ mjing Anôk bruă ngăn prăk lu ala čar, mđĭ klei bi hgŭm hlăm dŭm mta bruă; akâo kơ Ăngle gĭr kah mbha klei thâo kơ klei bi mlih mrâo êwa čuh doh.