Aguah mbruê 1/4, mkŏ mjing kƀĭn trông ba mdah klei bi klă mơ̆ng Phŭn bruă kđi čar kơ bruă klam, klei mkŏ mjing, klei bi klă tiŏ nao, ruah mdưm khua kiă kriê mơ̆ng Sang mđung rup Việt Nam, Sang mđung asăp blŭ Việt Nam, Thông tấn xã Việt Nam, anôk bruă hàn lâm kreh knhâo yang ƀuôn Việt Nam leh anăn Anôk bruă hàn lâm kreh knhâo mrâo mrang Việt Nam mơ̆ng anôk bruă hlăm Knŭk kna jing anôk bruă mơng Êpul khua bruă Đảng gưl dlông leh anăn dŭm klei bi klă djŏ tuôm. Klei kƀĭn trông kñăm bi klă hdră mtrŭn mrô 03 hruê 25/3/2026 mơ̆ng Êpul khua bruă Đảng gưl dlông gưl 14.

Hlăm klei kƀĭn trông, bi ala Êpul mkŏ mjing gưl dlông ba mdah dŭm klei bi klă mơ̆ng Phŭn bruă kđi čar, hlăm anăn tiŏ nao, ruah mdưm Đỗ Tiến Sỹ, Khua hlăm bruă Đảng gưl dlông păn kha Khua Sang mđung asăp blŭ Việt Nam, hlŏng păn ngăn k’iăng khua Êpul bruă hâo hưn leh anăn čung ba mnuih ƀuôn sang gưl dlông, nao hgŭm hlăm Êpul ngă bruă, Êpul khua bruă Đảng dŭm anôk bruă Đảng gưl dlông wưng thŭn 2025 - 2030.

Blŭ hlăm sĭt gai hlăm klei kƀĭn trông, Khua hlăm êpul bruă Đảng Trần Cẩm Tú mñă kơ dŭm anôk bruă klei mrâo lŏ dơ̆ng bi lar bruă klam kmeh gơ̆ng hlăm bruă klei mĭn, mđĭ hnơ̆ng jăk klei tă hdră, čŏng pô bi kdơ̆ng hŏng dŭm klei mĭn soh čhuai hŏng ai tiê mbruă, thơ̆ng kơ bruă. Blŭ hrăm hlăm klei kƀĭn, Khua Knŭk kna Phạm Minh Chính mñă ktang klei čuăn krơ̆ng kjăp klei bi mguôp, bi lar dŭm boh tŭ dưn, bi leh jăk bruă klam dưi jao. Bruă bi kluôm mnuih mă bruă tal anei mâo boh tŭ dưn hdră êlan, đru mđĭ ai dưi gĭt gai, tŭ dưn hlăm klei ngă bruă mơ̆ng dŭm anôk bruă klei mrâo, ksiêm duah klei kreh knhâo phŭn.