Hrue mbrue 25/3, êbeh 550 čô phung trah mă kan hlăm ƀuôn hgŭm La Gi lehanăn Tân Hải, čar Lâm Đồng nao leh ti anôk phat kđi ngă klei bi hmô hlăm klei hâo hưn bruă bi kdơ̆ng hŏng klei ngă soh trah mă kan amâo mâo djŏ klei bhiăn, ngă klei amâo mâo hâo mdah, lehanăn amâo mâo djŏ hŏng klei čoh čuăn mơ̆ng (IUU).

Bruă anei mâo Êpul bruă kiă kriê klei trah mă kan mrô 4, knơ̆ng kiă kriê kahan ksiêm êa ksĭ mrô 3 bi hgŭm hŏng anôk bruă kiă kriê klei hâo hưn lehanăn đru čung ba mnuih ƀuôn sang mơ̆ng bruă Đảng čar, Sang phat kđi yang ƀuôn čar mkŏ mjing. Klei phat kđi anei mâo mkŏ mjing tui si klei bi hmô klei tăm mâo hlăm bruă hiu trah mă kan lĕ hĕ hlăm klei nga soh msĕ si “Mkŏ mjing atăt mnuih đuĕ kơ ala tač êngao soh hŏng klei bhiăn”, lehanăn “ngă bi rŭng bruă hiu trah mă kan mơ̆ng jih jang kdrăp điện tử”. Mơ̆ng bruă bi hmô anei, kñăm mđĭ hĭn klei thâo ksiêm, kčŭt hưn, lehanăn đru phung trah mă kan thâo săng hlue ngă djŏ klei bhiăn hlăm klei hiu trah mă kan. Lu klei mtă brei hlue ngă djŏ hŏng mta mtrŭn kơ krĭng hiu trah mă kan, kiă kriê kjăp hŏ mran hiu trah mă kan, gang mkhư̆ klei nga soh hŏng IUU, ênưih srăng lĕ hlăm klei phat kđi sĭt, lehanăn jih jang hdră ruh mgaih, lehanăn mghaih msir kdrăp kiă kriê hô̆ mran hlăm êa ksĭ./.