Klei bi kƀĭn bi hgŭm 5 čar, ƀuôn prŏng Việt Nam- China
Thứ ba, 08:27, 14/11/2023
VOV Tây Nguyên
VOV Tây Nguyên
VOV4.Êđê- Aguah mbruê (13/11), ti Hà Nội mkŏ mjing leh Klei bi kƀĭn bi hgŭm bruă duh mkra plah wah 5 čar, ƀuôn prŏng mâo Hà Nội, Hải Phòng, Quảng Ninh, Lào Cai (Việt Nam) leh anăn Vân Nam (China) tal 10; êbeh 200 čô bi ala bi trông kơ klei bi liê, mnia blei, dhar kreh, mdrao mgŭn, sang hră, hiu čhưn ênguê, dŭ mdiăng, logistic.
Anei dưi dlăng jing klei bi kƀĭn prŏng mŏng ƀuôn prŏng Hà Nội hlăm boh klei Việt Nam- China ngă leh, leh anăn gĭr pŏk ngă klei hưn mdah mbĭt Việt Nam - China leh gưl nao čhưn mơ̆ng Khua gĭt gai bruă Đảng Nguyễn Phú Trọng leh anăn bi hdơr 15 thŭn mkŏ mjing klei bi hgŭm kluôm hlăm thŭn 2023.
Hlăm klei bi kƀĭn mkŏ mjing knăm bi siñê hră mơar bi hdơr, klei kuôl kă dŭm tĭng, mbĭt anăn srăng lŏ ksiêm dlăng bruă hlue ngă boh phŭn bi hgŭm hlăm wưng kơ anăp, đru mđĭ bruă duh mkra mơ̆ng dŭm čar leh anăn bi hgŭm tŭ dưn kơ dŭm tĭng hlăm bruă duh mkra.
Viết bình luận