Hưn mthâo hdruôm hră mơ̆ng Khua gĭt gai Đảng Nguyễn Phú Trọng kơ bruă “Mđĭ lar knhuah gru bi hgŭm mguôp djuê ana, mkŏ mkra ala čar ƀrư̆ hruê ƀrư̆ mdrŏng sah, kreh dhar, yâo m’ak”. Khua Dhar bruă mặt trận Việt Nam gưl dlông Đỗ Văn Chiến lač klă: Hdruôm hră anei mâo 747 pŏk, mâo 3 kdrêč mâo lu mta phŭn yuôm bhăn wăt kơ klei mĭn lehanăn boh sĭt, jing “Tur knơ̆ng” kơ phung knuă druh hlăm Anôk bruă mặt trận, dŭm gưl, êpul bruă Đảng, knuă druh đảng viên, mnuih ƀuôn sang ksiêm dlăng, ba yua hlăm boh sĭt.

Hlăm hdruôm hră “Mkŏ mkra lehanăn mđĭ kyar hdră hŏng tač êngao Việt Nam kluôm, mrâo mrang, jiă knhuah Việt Nam” mơ̆ng Khua gĭt gai Đảng Nguyễn Phú Trọng, Pô bi ala – Klei dưi khua sang hră ksiêm hriăm hŏng tač êngao (Phŭn bruă hŏng tač êngao) Phạm Lan Dung brei thâo, hdruôm hră anei jing dŭm klei mĭn gĭt gai mơ̆ng  Khua gĭt gai Đảng Nguyễn Phú Trọng dưi mă mơ̆ng klei hriăm hlăm boh sĭt, bi êdah hnơ̆ng trah dlăng, klei mĭn mrâo, klei gĭt gai kjăp, kluôm dhuôm mơ̆ng Khua gĭt gai Đảng Nguyễn Phú Trọng hlăm hdră hŏng tač êngao mơ̆ng Việt Nam./.