Hruê mbruê (21/8),  Knơ̆ng bruă mặt trận čar kwar čar Dak Nông mkŏ mjing Klei bi kƀĭn phung bi ala tal V, wưng 2024-2029 hŏng akŏ mđĭ bruă klam phŭn kđi čar bruă mặt trận Việt Nam; hlue ngă klei êngiê, mđĭ ai bi hgŭm jih jang mnuih ƀuôn sang; mlih mrâo mđĭ klei tŭ dưn bruă mặt trận, đru mkŏ mjing Dak Nông mdrŏng sah, jăk siam. Nguyễn Phú Nghĩ, K’iăng Khua bruă mặt trận čar Dak Nông bi mklă, Klei bi kƀĭn tal V kčah leh lu hdră msir mrâo, si ngă čiăng kơ bruă mặt trận dŭm gưl ti čar mđĭ lar bruă klam, boh nik hlăm klei ktuê dlăng leh anăn bi tăng mgăl ala ƀuôn.

Klei bi kƀĭn ruah leh 69 khua hlăm Knơ̆ng bruă mặt trận čar Dak Nông gưl V wưng 2024-2029.  Hlăm klei bi kƀĭn tal sa, phung bi ala hlăm klei bi kƀĭn jao leh kơ Hà Thị Hạnh,  Khua hlăm Bruă Đảng čar, Khua Anôk bruă čung ba mnuih ƀuôn sang ngă Khua Knơ̆ng bruă mặt trận čar Dak Nông gưl mrâo. Klei bi kƀĭn ăt ruah leh êpul bi ala nao hlăm Klei bi kƀĭn phung bi ala kluôm ala bruă mặt trận tal X mâo 6 čô bi ala klă sĭt. 2 čô bi ala mkăp.