Anei jing klei hâo hưn hlăm mmông bi kƀĭn mâo Dhar bruă mặt trận Việt Nam mkŏ mjing aguah 4/10. Hră mơar Klei bi kƀĭn phung bi ala kluôm ala bruă mặt trận čar kwar Việt  Nam tal 10 mkŏ mjing mơ̆ng tur knơ̆ng păn kjăp dŭm hdră êlan mrâo mơ̆ng Đảng, ksiêm wĭt, tĭng dlăng kjăp boh klei bruă mặt trận mơ̆ng nah gŭ, mă klei blŭ lar ƀar dŭm dhar bruă, êpul bruă leh anăn dŭm gưl mnuih ƀuôn sang yang ƀuôn leh anăn mâo klei mrâo êdah êdi. Kơ hdră bruă mnuih mă bruă hưn hlăm Klei bi kƀĭn, mĭn tĭng ênoh Khua hlăm Bruă mặt trận čar kwar Việt Nam gưl X jing: 405 čô (đĭ 20 čô mnuih mkă hŏng gưl IX).

Hlăm anăn, lŏ djŏ ruah jing 249 čô (ênoh 61,5%), mrâo jing 156 čô (ênoh 38,5%). Klei bi kƀĭn ăt mkra mlih, mbŏ Mta Bruă mặt trận čar kwar Việt Nam, hlăm anăn bi mklă bruă klam, klei dưi Êpul khua gĭt gai kơ klei pŏk ngă klei mtrŭt mjhar, hdră bi lông ktưn khăp kơ ala čar hlăm jih jang mnuih ƀuôn sang.