VOV4.Êđê - Hruê 15/3, Anôk bruă sang čư̆ êa čar Dak Lak mkŏ mjing leh Klei bi kƀĭn trông mă klei blŭ đru mguôp hlăm klei hưn mdah hdră čuăl mkă čar Dak Lak wưng thŭn 2021-2030, hnơ̆ng trah dlăng truh ti thŭn 2050. Hluê si klei hưn, čar Dak Lak mâo mta kñăm mđĭ kyar bruă duh mkra – ala ƀuôn pral, h’ĭt kjăp, kluôm dhuôm; mđing kơ bruă mđĭ klei thâo mnuih mă bruă čiăng mđĭ kyar dŭm mta bruă mâo klei găl.

Mkŏ mkra ƀuôn prŏng Ƀuôn Ama Thuôt jing wăl krah phŭn ti lăn dap kngư hŏng sa wăl anôk Mtah – Mrâo mrang – Kreh dhar, ƀuôn prŏng ênuk mrâo – ƀăng jang mơ̆ng krĭng Lăn dap kngư ñŭ kma hŏng krĭng wăl lehanăn tar rŏng lăn. Mta kñăm klă klơ̆ng, čar Dak Lak gĭr mđĭ kyar bruă duh mkra, gĭr mâo hnơ̆ng đĭ GRDP kah knar grăp thŭn hlăm wưng 2021-2030 11%/thŭn; Gĭr mđĭmrô hdră duh mkra, thŭn 2030 mâo 20%. GRDP kah knar grăp čô thŭn 2025 mâo 81,2 êklăk prăk, thŭn 2030 mâo 131 êklăk prăk./.

H’Nêč pô mblang