Blŭ prŏng klei bi kƀĭn, Khua bruă kƀĭn ala Trần Thanh Mẫn brei thâo, Klei bi kƀĭn kñăm bi trông kơ dŭm bruă mprăp kơ klei bi kƀĭn tal sa, čiăng kơ jih jang dŭm anôk bruă pral ksiêm dlăng mprăp kơ jih jang bruă kơ klei bi kƀĭn tal êlâo mơ̆ng Bruă kƀĭn ala gưl 16 mâo mkŏ mjing hŏng klei jăk, kjăp ba wĭt klei tŭ dưn hĭn.

Klei bi kbĭn tal sa srăng pŏk hlăm hrue 06/4, srăng bi ruĕ hlăm hrue 25/4 lehanăn mbha hlăm dua gưl. Bruă kƀĭn ala srăng ksiêm dlăng, dăp mdưm êpul khua kiă kriê, bruă mkŏ mjing hdră bhiăn, kơ dŭm bruă kăp ksiêm, kơ klei duh mkra ala ƀuôn lehanăn klei kơ ngăn prăk knŭk kna.

Klah čŭn klei bi kƀĭn Khua bruă kƀĭn ala Trần Thanh Mẫn brei thâo, klei bi kƀĭn tal sa jing klei bi kƀĭn tal êlâo kơ bruă kƀĭn ala gưl 16, snăn jih jang bruă kluôm, kơ klei mkŏ mjing, dăp mnuih mă bruă kơ hdră mă bruă hlăm 5 thŭn mơ̆ng wưng păn bruă srăng dưi ksiêm dlăng, bi mklă./.