VOV4.Êđê- Tlam hruê 6/3 ti Đà Nẵng mkŏ mjing leh Klei bi kƀĭn Êpul gơ̆ng bruă ƀuôn sang dŭm čar, ƀuôn prŏng krĭng kwar Krah lehanăn Lăn dap kngư tal 1, wưng thŭn 2021-2026. Phung bi ala hmư̆ leh klei hưn mdah mơ̆ng Êpul gơ̆ng bruă ƀuôn sang kơ 3 mta bruă: Tal 1 jing klei thâo mđĭ hnơ̆ng tŭ jăk klei bi kƀĭn Êpul gơ̆ng bruă ƀuôn sang dŭm čar, ƀuôn prŏng kơ bruă hlak mblang mơ̆ng dŭm anôk bruă, mnuih hluê si Hdră bhiăn mkŏ mjing bruă sang čư̆ êa alŭ wăl. Bruă tal 3 jing mlih mrâo hdră, mđĭ boh tŭ ksiêm dlăng, bi mklă hdră kčah, klei čih mkra ba ti anôk bi kƀĭn. Bruă tal 3 jing Klei thâo, hdră msir mđĭ hnơ̆ng tŭ jăk, boh tŭ bruă ksiêm dlăng mơ̆ng Êpul gơ̆ng bruă ƀuôn sang. Blŭ hrăm klah čŭn, K’iăng khua bruă kƀĭn ala Trần Thanh Mẫn mtă kơ Êpul gơ̆ng bruă ƀuôn sang dŭm alŭ wăl lŏ dơ̆ng mđĭ lar ai tiê pral, mlih mrâo hluê ngă bruă klam, klei dưi; ksiêm dlăng dŭm klei mlih mrâo mơ̆ng anôk bruă kƀĭn ala čiăng dưi ba yua, mbĭt anăn djŏ guôp hŏng grăp alŭ wăl./.

Pô mblang: H’Nêč Êñuôl