3 mlan akŏ thŭn, ênoh tŭ dưn mnơ̆ng dhơ̆ng mâo hlăm čar Daklak năng ai hlăm brô 12.300 êklai prăk, đĭ hĭn 3,5% mkă hŏng wưng anei thŭn dih, mâo ba wĭt ngăn prăk kơ knŭk kna êbeh 2.390 êklai prăk, knar 34,2% ênoh gưl dlông jao, dŭm mta mnơ̆ng mâo ba čhĭ kơ ala tač êngao mâo giăm 500 êklăk dolar, đĭ hĭn 29% mkă hŏng wưng anei thŭn dih.

Blŭ hrăm ti anôk bi kƀĭn, khua bruă Đảng čar Nguyễn Đình Trung brei thâo, klei duh mkra ala ƀuôn hlăm čar mâo leh dŭm klei bi knăl đĭ kyar jăk, ƀiădah ăt adôk mâo lu bruă ka djăp ôh ênoh čuăn. Wưng tinăp, čar bi mklă bruă čuăn phŭn, kñăm mđĭ kyar hŏng klei pral, bi djŏ guôp hŏng hdră êlan mă bruă, ba yua mnuih mă bruă bi djŏ. Mâo hdră jăk ba wĭt klei tŭ dưn hĭn, mjing klei găl kơ čar, kơ dŭm êpul êya kiă kriê mâo ba wĭt klei dưi bruă čuăn hlăm thŭn 2024”.