Klei bi kƀĭn jing yuôm bhăn hlăm bruă hlue ngă tŭ dưn bruă klam mơ̆ng Êpul gơ̆ng gĭt gai krĭng, hrăm mbĭt bi trông kơ klei kƀah, dôk kpăk đuôm mđĭ kyar leh anăn kčah hdră kñăm, hdră msir hlue ngă hlăm wưng kơ anăp; mđĭ bi hgŭm hlăm krĭng kñăm mđĭ kyar Lăn Dap Kngư “Mtah- Jăk - Kjăp”.

Bi ala kơ dŭm phŭn, dhar bruă gưl dlông, dŭm alŭ wăl krĭng Lăn Dap Kngư, phung thơ̆ng kơ bruă leh anăn phung kreh lnhâo nao hlăm klei bi kƀĭn leh anăn mguôp klei blŭ hrăm hră čih hdră kčah. Truh ară anei, čuăl mkă krĭng Lăn Dap Kngư dưi mơĭt kơ dŭm phŭn, dhar bruă, alŭ wăl čiăng akâo klei blŭ. Phŭn bruă mâo leh lu klei đru mguôp yuôm bhăn čiăng ƀrư̆ bi leh hdră čuăl mkă leh anăn leh klei bi kƀĭn tal 2, ăt dôk guôn thiăm dŭm klei đru mguôp mơ̆ng dŭm phŭn, dhar bruă, alŭ wăl leh anăn phung kreh knhâo čiăng Čuăl mkă mđĭ kyar krĭng Lăn Dap kngư klă sĭt djŏ guôp hŏng klei đĭ kyar lăn čar, ba Lăn Dap Kngư đĭ kyar mtah leh anăn kjăp, mdrơ̆ng hŏng klei bi mlih yan adiê./.