Thŭn 2023, klei đĭ kyar bruă duh mkra Việt Nam êbeh 5%. Hnơ̆ng ênoh gŏ êsei ƀun trŭn adôk 3%. Ênoh bi liê kơ klei hdĭp mda ala ƀuôn, mâo nanao klei mđin ti ênoh krơ̆ng nanao giăm 3% GDP hlăm lu thŭn kơ anei. Thŭn 2023, Việt Nam lŏ mâo čhĭ braih kơ ala tač êngao êbeh 8 êklăk tôn, đru mdul leh klei kƀah mnơ̆ng ƀơ̆ng huă hŏng tar rŏng lăn.

Hlăm klei blŭ hrăm, Khua phŭn bruă Bùi Thanh Sơn čiăng mâo klei dưi bi mguôp kjăp nanao mơ̆ng Việt Nam anăn jing: Klei Việt Nam mâo mă lu klei hriăm hlăm dŭm thŭn êgao kơ klei dưi êngiê anak mnuih bi êdah kơ klei rơ̆ng dưi mâo klei êđăp ênang, hơĭt kjăp lehanăn klei thâo bi mpŭ kơ klei bhiăn tar rŏng lăn, hlăm anăn Knŭk kna mdưm mnuih ƀuôn sang jing boh phŭn hlăm hdră êlan pô, čiăng dưi mâo klei đĭ kyar kluôm./.