Snăn, hlăm dua hrue (25 - 26/3/2026), êbeh 90 čô phung bi ala djŏ ruah bruă kƀĭn ala gưl 16 hrie mơ̆ng 15 boh čar hlăm alŭ wăl kwar krah lehanăn kwar dhŭng hriăm mbĭ, ksiêm duah dŭm mta phŭn kơ bruă kƀĭn ala; hưn mthâo kơ bruă bi mlih mrô lehanăn dŭm phần mềm pioh mă bruă hlăm anôk bruă kƀĭn ala, ktrâo atăt klei ba yua App bruă kƀĭn ala mrô 2.0; Klei thâo ksiêm dlăng, mâo klei blŭ hlăm bruă mkra hdră bhiăn mơ̆ng phung bi ala bruă kƀĭn ala, klei thâo hlăm bruă bi tuôm hŏng mnuih ƀuôn sang, hŏng bruă klei mrâo mơ̆ng phung bi ala bruă kƀĭn ala.

Blŭ gĭt gai klei bi kƀĭn, Thượng tướng Trần Quang Phương- K’iăng khua bruă kƀĭn ala mñă, klei ruah khua phung bi ala bruă kƀĭn ala, lehanăn Êpul gơ̆ng bruă ƀuôn sang dŭm gưl thŭn 2026 - 2031 mâo leh klei tŭ jing jăk siam, klă sĭt jing gru kruak knăl jăk hlăm bruă mkŏ mkra klei hnŭk êngiê yang ƀuôn ngă phŭn mơ̆ng knŭk kna. Hŏng ênoh mnuih mâo nao ruah jing kdlưn hĭn mơ̆ng êlâo dih truh kơ ară anei mâo 99,7%, mnuih ƀuôn sang nao ruah kơ  500 čô phung bi ala mŭt hlăm bruă kƀĭn ala gưl 16. Hŏng bruă klam lehanăn klei đăo knang prŏng, mnuih ƀuôn sang bi klă leh ai tiê, lehanăn klei čang hmăng mrâo kơ klei mlih mrâo mơ̆ng bruă kƀĭn ala gưl mrâo lehanăn klei uêñ klam, hlăm klei jhŏng mơ̆ng grăp čô phung bi ala./.