Klei bi kƀĭn mkŏ online (4 gưl) mơ̆ng anôk bruă Knŭk kna truh kơ dŭm Phŭn, dhar bruă, dŭm čar, ƀuôn prŏng hlăm gưl dlông, dŭm alŭ wăl gưl kdriêk, gưl să. Leh hmư̆ klei blŭ, klei klah čŭn hlăm klei bi kƀĭn Khua knŭk kna Phạm Minh Chính mñă klă klei mĭn gĭt gai jing knŏng bi trông kơ bruă ngă amâo bi trông ôh kơ klei kdŭn tluôn, ngă êjai mă klei thâo êjai dưi pŏk mlar, amâo hngah amâo lač dleh, đăm ôh lač ƀiădah amâo ngă.

Kơ hdră kñăm Khua knŭk kna mñă klă, grăp čô mnuih Việt Nam wăt phung ka mâo Hră ênua mdrao mgŭn dưi mâo sa hră ktuê dlăng klei suaih pral điện tử hlăm VneID. Truh akŏ thŭn 2025, 100% anôk bruă mdrao mgŭn (knŭk kna leh anăn êngao knŭk kna) leh anăn mâo 40 êklăk čô mnuih ƀuôn sang yua Hră klei suaih pral điện tử leh anăn 100% mnuih ƀuôn sang mâo klei čiăng dưi mkăp hră čih anăn hlăm VneID.