Klei bi kƀĭn hưn mthâo Klei bi kƀĭn “Mblah dưi Điện Biên Phủ hŏng bruă mkŏ mjing leh anăn răng mgang čar Kwar Việt Nam yang ƀuôn ngă phŭn”
Thứ sáu, 10:27, 05/04/2024
VOV Tây Nguyên
VOV Tây Nguyên
VOV4.Êđê- Tlam 4/4, Phŭn bruă lĭng kahan bi hgŭm hŏng Anôk bruă hâo hưn mtô mblang gưl dlông mkŏ mjing Klei bi kƀĭn hưn mthâo Klei bi kƀĭn Kreh knhâo gưl ala čar “Mblah dưi Điện Biên Phŭ hŏng bruă mkŏ mjing leh anăn răng mgang čar kwar Việt Nam yang ƀuôn ngă phŭn”.
Klei bi trông kñăm bi mklă bruă klam leh anăn klei đru mguôp prŏng mơ̆ng êpul lĭng kahan leh anăn mnuih ƀuôn sang kluôm ala, mnuih djuê ƀiă dŭm djuê ana Yŭ Dưr, jing lĭng kahan leh anăn mnuih ƀuôn sang čar Điện Biên.
Anei ăt jing gưl čiăng kơ phung kreh knhâo, phung ksiêm hriăm hlak mblang, bi mklă klei yuôm bhăn hƀuê ênuk, mta phŭn tŭ dưi; mđĭ lar klei hriăm hlăm bruă mkŏ mjing leh anăn răng mgang čar kwar ară anei. Anôk bruă mkŏ mjing cih mkra klei bi trông mơ̆ng tur knơ̆ng 104 klei ksiêm hriăm, Klei bi trông mâo hlăm brô 500 čô bi ala, mâo klei hgŭm mơ̆ng phung khua gĭt gai Đảng, Knŭk kna, Bruă kƀĭn ala. Boh nik, nao hlăm klei bi kƀĭn mâo 3 čô bi mklă hƀuê ênuk - jing phung tuôm nao hlăm klei bi blah Điện Biên Phủ./.
Viết bình luận