Klei bi kƀĭn Khua phŭn bruă tal 18 leh anăn Mkŏ bruă duh mkra Việt Nam - Singapore mkŏ mjing leh ti Singapore ti gŭ klei gĭt gai mơ̆ng Khua phŭn bruă Hdră kčah leh anăn duh bi liê Nguyễn Chí Dũng leh anăn Khua phŭn bruă tal sua Phŭn bruă tuh tia mkra mjing leh anăn mnia blei hlŏng ngă Khua phŭn bruă mnuih mă bruă Singapore, Tan See Leng.

Dua tĭng hưn mthâo leh anăn bi trông kơ dŭm boh tŭ mâo leh mơ̆ng Klei bi kƀĭn Khua phŭn bruă tal 17 ti Hà Nội, Việt Nam, mơ̆ng mlan 8/2023 truh ară anei, mâo: hnơ̆ng mkŏ mjing Hdră kčah pŏk ngă Klei bi hgŭm bruă duh mkra mtah -  Bruă duh mkra mrô, boh tŭ klei bi hgŭm hlăm bruă mlih mrâo mbruă. Mơ̆ng Klei bi kƀĭn Khua phŭn bruă kơ klei mkŏ bruă duh mkra Việt Nam - Singapore tal 18, Việt Nam bi mklă leh klei mĭn leh anăn klei mđing hlăm klei bi hgŭm bruă duh mkra hŏng Singapore kñăm bi êlam hĭn klei bi hgŭm hdră bruă plah wah dua ala čar; akâo kơ Singapore gĭr bi hgŭm pŏk ngă, hlue ngă klei mĭn mbruă mrâo hlăm jar Klei kuôl kă mkŏ, mtrŭt mjhar dŭm anôk bruă duh mkra Singapore mâo klei kčĕ bi hgŭm mrâo leh anăn mđĭ klei duh bi liê hlăm Việt Nam.