Blŭ ti knăm anei, Khua Anôk bruă mkŏ mjing gưl dlông Trương Thị Mai mñă leh klei čiăng mơ̆ng bruă mtrŭt mđĭ hdră ksiêm dlăng brei mđing kơ djăp mta bruă, alŭ wăl phŭn ênưih mâo klei ƀơ̆ng ngăn, klei ngă amâo djŏ. Hŏng bruă ksiêm dlăng tơdah ƀuh klei ngă soh, Trương Thị Mai lač, anei jing bruă yuôm bhăn mơ̆ng Dhar bruă ksiêm dlăng gưl dlông lehanăn dŭm gưl, hluê anăn mơ̆ng akŏ wưng păn bruă truh ară anei, mơ̆ng hdră ksiêm dlăng mâo leh êbeh 1 êbâo 400 êpul bruă Đảng lehanăn êbeh 66 êbâo čô Đảng viên mâo klei ƀuh mkra. Hlăm ênoh knuă druh mâo phat mkra mâo 83 čô knuă druh bi ala Gưl dlông kriê dlăng.

Mbĭt anăn, Trương Thị Mai mtă, bruă ksiêm dlăng brei mâo klei mđing, klei răng, klă mngač, ênuah, pral hmao ƀuh dŭm klei soh mrâo kñăm hmao msir mghaih./.