Klei bi kƀĭn kluôm ala ksiêm wĭt Hdră mă bruă mơ̆ng Anôk gĭt gai 138 lehanăn Anôk gĭt gai 389
Thứ năm, 08:34, 18/01/2024
VOV TAYNGUYEN
VOV TAYNGUYEN
VOV4.Êđê- Aguah mbruê (17/1), ti Anôk bruă knŭk kna, K’iăng khua knŭk kna Trần Lưu Quang gĭt gai Klei bi kƀĭn kluôm ala ksiêm wĭt Hdră mă bruă thŭn 2023 lehanăn pŏk ngă bruă thŭn 2024 mơ̆ng Anôk gĭt gai 138 lehanăn Anôk gĭt gai 389 hluê hdră online.
Thŭn 2023, Anôk gĭt gai 389 dŭm Phŭn dhar bruă lehanăn alŭ wăl pral hmao ƀuh, msir mghaih lu boh klei, tlĕ čhĭ mnơ̆ng soh hdră bhiăn, ngă mdêč mdar hlăm bruă mnia mblei, mnơ̆ng mgưt, đru rơ̆ng kjăp klei êđăp ênang bruă kđi čar, klei êđăp ênang ala ƀuôn, bi h’ĭt wăl anôk mnia mblei. Dŭm êpul djŏ tuôm alŭ wăl hmao ƀuh, msir mghaih 146 êbâo 600 klei ngă soh, đĭ 5% mkă hŏng wưng anei thŭn êlâo.
Ênoh hrui wĭt ngăn prăk knŭk kna êbeh 14.800 êklai prăk, đĭ 17% mkă hŏng thŭn êlâo, kčŭt hưn 616 klei ngă soh hŏng 724 čô. Dŭm klei blŭ ti anôk bi kƀĭn lač klă, klei tlĕ čhĭ mnơ̆ng soh hdră bhiăn, ngă mdêč mdar hlăm bruă mnia mblei, mnơ̆ng mgưt, klei ba yua êlan pŏk web yang ƀuôn čiăng ngă soh dôk mâo lu dleh dưi ksiêm dlăng./.
Viết bình luận