Anei jing Klei bi kƀĭn knhal jih thŭn čiăng ksiêm dlăng boh klei hlue ngă hdră mtrŭn mơ̆ng Êpul gơ̆ng bruă ƀuôn sang čar kơ bruă klam mđĭ kyar bruă duh mkra- ala ƀuôn thŭn 2023, kčah bruă klam, hdră msir hlue ngă thŭn 2023 leh anăn brei klei blŭ hlăm lu hdră bruă yuôm bhăn mơ̆ng čar.

Mĭn tĭng klei bi kƀĭn mkŏ mjing hlăm 3 hruê.  Hlăm klei bi kƀĭn anei, Êpul gơ̆ng bruă ƀuôn sang čar Dak Lak srăng ksiêm dlăng klei hâo hưn kơ bruă gang mkhư̆ phung ngă soh leh anăn klei ngă soh hdră bhiăn ti čar, bruă gang mkhư̆ klei ƀơ̆ng ngăn, msir mgaih klei kčŭt hưn, hmư̆ Knơ̆ng bruă mặt trận čar hưn kơ bruă hgŭm mkŏ mjing bruă sang čư̆ êa, ksiêm dlăng boh tŭ wĭt lač, msir mgaih klei phung bi ala kơ mnuih ƀuôn sang akâo leh anăn ngă klei bi trông. Huỳnh Thị Chiến Hoà, Khua Êpul gơ̆ng bruă ƀuôn sang čar Dak Lak brei thâo: dŭm klei blŭ leh anăn hdră mtrŭn hlăm klei bi kƀĭn srăng mjing tur knơ̆ng kơ hdră bhiăn, boh kdrŭt mđĭ kyar bruă duh mkra- ala ƀuôn, rơ̆ng kơ bruă lĭng kahan êđăp ênang, mkŏ mjing bruă kđi čar ti nah gŭ hlăm thŭn 2024 leh anăn dŭm thŭn kơ anăp./.