VOV4.Êđê- Aguah 16/8, Phŭn bruă kahan ksiêm bi hgŭm hŏng Sang hră kđi čar ala čar Hồ Chí Minh, Knơ̆ng bruă lĭng kahan leh anăn răng mgang klei êđăp ênang mơ̆ng Bruă kƀĭn ala leh anăn Sang kđăm mkra kđi čar ala čar klei sĭt nik mkŏ mjing klei bi trông “Mđĭ lar ai ktang jih jang mnuih ƀuôn sang răng mgang klei êđăp ênang ala čar hlăm boh klei mrâo”. Hlăm klei bi kƀĭn phung bi ala kƀĭn bi mklă klei čiăng êdi leh anăn klei brei mđĭ lar ai ktang jih jang mnuih ƀuôn sang răng mgang ala čar hlăm boh klei mrâo; Hlak mblang bi mklă klei đĭ kyar klei ksiêm hriăm mơ̆ng Đảng, boh nik klei thâo săng mrâo hlăm Hră mơar klei bi kƀĭn tal XIII kơ klei mđĭ lar ai ktang jih jang djuê ana răng mgang klei êđăp ênang ala čar.

Mbĭt anăn bi mklă boh klei leh anăn klei kčĕ bruă klam, hdră msir mđĭ lar ai ktang jih jang djuê ana răng mgang klei êđăp ênang ala čar hlăm boh klei mrâo hŏng klei tŭ dưn leh anăn klă sĭt. Boh tŭ mơ̆ng klei bi kƀŏn jing tur knơ̆ng čiăng akâo hŏng khua gĭt gai Đảng, Knŭk kna mâo hdră êlan, hdră msir mđĭ lar ai ktang jih jang djuê ana răng mgang ala čar, đru răng mgang čar kwar mơ̆ng hnưm, mơ̆ng kbưi, ngă tŭ dưn bruă klam mđĭ kyar bruă duh mkra, ala ƀuôn leh anăn bruă hŏng tač êngao mơ̆ng lăn čar./.

Pô mblang: H’Zawut Ƀuôn Yă