Ti anôk bi kƀĭn, Khua bruă kƀĭn ala Trần Thanh Mẫn bi myuôm, thŭn êgao dua nah bi hgŭm leh mlih mrâo, mtrŭn lu klei bhiăn yuôm bhăn, mprăp kơ klei ruah khua bruă kƀĭn ala, lehanăn phung bi ala Êpul gơ̆ng bruă ƀuôn sang dŭm gưl.

Khua bruă kƀĭn mtă, hlăm wưng tinăp, dua anôk bruă lŏ dơ̆ng hgŭm hlăm bruă mkŏ mjing klei bhiăn, lehanăn ksiêm dlăng jih bruă klam mơ̆ng Êpul gơ̆ng kăp kčĕ, phung truăn kơ bruă, phung kreh knhâo hlăm klei blŭ mgang mơ̆ng dŭm hdră êlan, lehanăn mđĭ hĭn klei kjăp bruă bi tuôm hŏng mnuih ƀuôn sang mơ̆ng phung bi ala bruă kƀĭn ala, lehanăn phung bi ala Êpul gơ̆ng bruă ƀuôn sang dŭm gưl, bi sĭt klei diñu ƀuăn tinăp mnuih ƀuôn sang.

  Mñă kơ mta kñăm thŭn 2026 bi pral mâo klei đĭ kyar truh kơ dua mrô, tui si Khua bruă kƀĭn ala, dua nah hgŭm čiang mâo dŭm hdră êlan kiă kriê klei duh mkra la ƀuôn đĭ kyar, bruă răng mgang klei êđăp ênang dưi rơ̆ng kjăp, mkŏ mjing klei bhiăn bruă kđi čar doh mngač kjăp ktang, hyuă kjăp hĭn klei hgŭm hŏng tač êngao, lŏ dơ̆ng bruă bi kdơ̆ng hŏng klei ƀơ̆ng ngăn, klei bi liê plă plia./.