Blŭ ti knăm anei, Khua knŭk kna Phạm Minh Chính bi mni dŭm klei gĭr lehanăn boh tŭ năng čih yap mŏng phung khua kiă kriê, mnuih mă bruă ti Anôk bruă Hdră kčah, duh bi liê lehanăn ksiêm yap, đru mtrŭt mđĭ kyar bruă duh mkra – ala ƀuôn mŏng lăn čar drei hlăm thŭn 2023 lehanăn wưng êgao. Khua knŭk kna mñă, thŭn 2024 jing thŭn mâo boh kdrŭt yuôm bhăn hlăm bruă hluê ngă tŭ dưn hdră kčah 5 thŭn 2021-2025. Đăo knăl thŭn 2024 srăng tlă hŏng lu klei dleh dlan hĭn mkă hŏng thŭn 2023.

Phŭn bruă Hdră kčah lehanăn Duh bi liê brei mđĭ hĭn klei đua klam kơ bruă mâo jao, mđĭ lar bruă klam đru kčĕ kơ Đảng, Knŭk kna mbĭt anăn Knŭk kna čang hmăng lehanăn đăo knang Phŭn bruă srăng mâo lu hdră mlih mrâo, ngă bruă jăk hĭn, djŏ guôp hŏng boh klei mâo hlăm tar rŏng lăn lehanăn krĭng wăl, mâo hnơ̆ng trah dlăng, dưi bi mklă hdră mtrŭn prŏng hlăm bruă duh mkra ala ƀuôn kơ Đảng, Anộk bruă kƀĭn ala lehanăn Knŭk kna./.