Blŭ ti knăm anei, Khua knŭk kna Phạm Minh Chính brei Anôk bi kƀĭn mblang, tĭng dlăng hdră kiă kriê, gĭt gai mơ̆ng Knŭk kna hlăm thŭn 2023 djăp ênŭm, djŏ klă leh? Mta mrâo hlăm klei gĭt gai, kiă kriê hlăm thŭn 2023? Boh sĭt, dŭm gưl, dhar bruă lehanăn alŭ wăl thâo klă leh klei mâo lehanăn mâo leh hdră msir djŏ guôp, tŭ dưn…

Lač kơ boh tŭ hdră mđĭ kyar bruă duh mkra ala ƀuôn thŭn 2023, Khua knŭk kna lač klă, hdră mđĭ kyar bruă duh mkra ala ƀuôn mâo klei bi êdah jăk, mlan êdei jăk hĭn mkă hŏng mlan êlâo, dưi mâo mta kñăm kluôm jing bi h’ĭt hdră duh mkra, ksiêm dlăng prăk luič ênoh, mtrŭt mđĭ hdră duh mkra, klei êđăp ênang ala ƀuôn lehanăn klei hdĭp mnuih buôn sang dưi mkra mđĭ. Mbĭt anăn tĭng dlăng klei êdu kƀah, dleh dlan, lông dlăng; Khua knŭk kna lač klă, brei bi mklă mta phŭn lehanăn ba mdah hdră msir klă klơ̆ng hŏng 5 hnơ̆ng čuăn amâo dưi mâo msĕ hdră kčah, čiăng dưi mâo hdră msir kơ thŭn 2024 dưi hluê ngă tŭ dưn bruă klam mâo kčah mtrŭn./.