VOV4.Êđê-  Aguah 12/8, Phŭn bruă Sang hră m’ar mkŏ mjing Klei bi kƀĭn ksiêm wĭt thŭn hriăm 2021-2022, pŏk ngă bruă hlăm thŭn hriăm mrâo 2022-2023. Klei kƀĭn dưi mkŏ mjing klă anăp ti Hà Nội lehanăn online hŏng 64 anôk kluôm ala. Thŭn hriăm 2021 - 2022, klei ruă Covid 19 bluh mâo dleh ksiêm dlăng, anôk bruă sang hră m’ar pral mâo hdră bi mlih bruă mtô bi hriăm, rơ̆ng bi leh bruă mtô bi hriăm hlăm thŭn. Kluôm anôk bruă mkŏ mjing tŭ dưn Klei bi lông gưl 3 ala čar thŭn 2022 rơ̆ng klei êđăp ênang. Anei jing thŭn tal êlâo phung hđeh adŭ 12 bi mklă klei bi lông gưl 3 hluê hdră online. Ti knăm anei, mbĭt hŏng bruă tĭng dlăng boh tŭ, klei êdu kƀah hlăm thŭn hriăm êgao, phung bi ala srăng bi trông kơ 12 klei čih mkra lehanăn bruă klam phŭn hlăm thŭn hriăm 2022-2023 anăp truh./.

Pô mblang: H’Nêč Êñuôl