VOV4.Êđê - Hruê anei 14/2, ti Hà Nội, Phŭn bruă lŏ hma leh anăn Mđĭ kyar krĭng ƀuôn sang bi hgŭm hŏng Knơ̆ng bruă ala čar mnuih Việt Nam ti ala tač êngao mkŏ mjing Klei bi kƀĭn mkŏ hŏng phung duh mkra Việt Nam ti ala tač êngao, mđĭ bruă mnia blei leh anăn duh bi liê bruă lŏ hma. Hŏng hdră kñăm lŏ dơ̆ng mđĭ klei hưn mdah, mkŏ duh bi liê leh anăn bruă mnia blei mnơ̆ng dhơ̆ng lŏ hma, mđĭ bruă ñŭ kma lu ala čar bruă lŏ hma, Klei bi kƀĭn srăng hưn mthâo hŏng phung Việt Nam ti ala tač êngao kơ hdră tă mđing iêô jak duh bi liê leh anăn bi hgŭm mnia blei hlăm bruă lŏ hma, kan hdang ăt msĕ mơh klei găl dŭm mta mnơ̆ng dhơ̆ng OCOP. Klei bi kƀĭn ăt jing gưl bi trông, mđing hmư̆, mă klei blŭ mguôp, klei thâo phung Việt Nam ti ala tač êngao kñăm mđĭ bruă ba čhĭ kơ ala tač êngao, mjing klei găl kơ mnuih Việt Nam ti ala tač êngao hgŭm duh bi liê, duh mkra, bi hgŭm hŏng anôk bruă mnia blei, ƀĭng ngă lŏ hma leh anăn êpul hgŭm bruă hlăm ala čar, hlăm anăn, mkŏ mjing bruă mkŏ klei bi hgŭm hŏng mnuih Việt Nam ti ala tač êngao hlăm bruă ba čhĭ leh anăn duh bi liê kơ mnơ̆ng dhơ̆ng lŏ hma.

H’Zawut pô mblang