Hlăm dŭm thŭn êgao, dŭm alŭ wăl hlăm krĭng dap mnai Krông Hồng mâo leh klei đĭ kyar êdah êdi, jing anôk mngač hlăm krĭng leh anăn kluôm ala. Anôk bruă mnia blei nah gŭ đĭ kyar man dưn hŏng klei đĭ pral dŭm mta bruă mnia blei mrâo mrang msĕ si mnia blei điện tử, dŭm sang mnia, hdră bruă, đru bi mlih bruă mnia blei mơ̆ng krĭng leh anăn kluôm ala.

Thŭn 2023, bruă ba čhĭ kơ ala tač êngao kluôm krĭng mâo êbeh 260 êklai USD, lu hĭn hlăm 6 krĭng bruă duh mkra, mâo 38% prăk ba čhĭ kơ ala tač êngao kluôm ala. Krĭng dap mnai krông Hồng mâo anôk phŭn jing ƀuôn prŏng phŭn Hà Nội; mâo bruă klam jing 1 hlăm 2 anôk bruă duh mkra prŏng hĭn kluôm ala. Anei ăt jing krĭng ba anăp kơ bruă tuh tia mrâo mrang - ksiêm hriăm, ba yua kdrăp mrâo leh anăn mlih mrâo mbruă, mkŏ anôk bruă nha gŭ ti krĭng dưi bi liê đĭ kyar ktang.