Klei bi lông hriăm jih gưl 3 thŭn 2024 dưi mkŏ mjing msĕ wưng thŭn 2020 -2023. Ênoh phung hđeh bi lông thŭn anei êbeh 1 êklăk 71 êbâo čô, đĭ êbeh 45 êbâo čô mkă hŏng thŭn êlâo.

Blŭ hrăm klah čŭn ti anôk bi kƀĭn, Kơiăng khua Phŭn bruă Sang hră mơar mtô bi hriăm Phạm Ngọc Thưởng, Khua anôk bruă ala čar gĭt gai Klei bi lông hriăm jih gưl 3 thŭn 2024 mtă kơ Anôk gĭt gai klei bi lông dŭm čar, ƀuôn prŏng lŏ dơ̆ng pŏk hluê ngă Asăp mtrŭn mrô 15 mơ̆ng Khua knŭk kna kơ bruă mđĭ hĭn hdră kiă kriê, bi hgŭm mkŏ mjing Klei bi lông hriăm jih gưl 3 lehanăn hrŏng ruah hđeh mŭt hriăm gưl prŏng, mtô bi hriăm bruă thŭn 2024. Hŏng ai tiê mjing djăp klei găl kơ phung hđeh bi lông, phung amĭ ama, amâo lui phung hđeh amâo dưi nao hlăm klei bi lông kyua klei dleh dlan; rơ̆ng kjăp klei êđăp ênang, msir mghaih dŭm klei tăm bluh mâo, klei mâo mjêč, khut khat amâo brei phung hđeh ba đĭng blŭ, kdrăp hâo hưn hlăm adŭ bi lông./.