VOV4.Êđê- Tlam 29/8, ti Hà Nội, mkŏ mjing Klei bi kƀĭn phung bi ala kluôm la Êpul hgŭm gru bi kal hrah Việt nam tal 11, ưng thŭn 2022-2027, hŏng klei hgŭm mơ̆ng êbeh 500 čô bi ala êdah kdlưn kơ êbeh 7 êklăk 2 êtuh êbâo čô knuă druh, phung êdam êra Êpul hgŭm gru bi kal hrah kluôm ala. Klei bi kƀĭn hŏng lu bruă klam yuôm bhăn, hlăm anăn, lač kơ klei tŭ bruă Êpul hgŭm leh anăn Hdră Êpul gru bi kal hrah wưng 2017-2022, bi mklă hdră kñăm, bruă klam, hnơ̆ng kčah, hdră tă leh anăn dŭm hdră msir klă klơ̆ng kñăm mđĭ kluôm ênŭm hdră êpul hgŭm leh anăn Hdră Êpul gru bi kal hrah hlăm wưng thŭn 2022-2027. Hlăm wưng êgao, Êpul hgŭm gri bi kal hrah kluôm ala mbruă, pŏk ngă dŭm hdră, bruă đru hlăm ala ƀuôn hŏng êbeh 23 êbâo êklai prăk, đru kah knar grăp thŭn kơ êbeh 18 êklăk gưl mnuih. Hlăm klei bi kƀĭn tal sa Klei bi kƀĭn phung bia ala kluôm ala Êpul hgŭm gru bi kal hrah Việt Nam ruah leh Anôk dlăng gưl dlông Êpul hgŭm gru bi kal hrah Việt Nam gưl 11, wưng 2022-2027 leh anăn mkŏ mjing Klei bi kƀĭn Anôk bruă gưl dlông Êpul hgŭm gưl 11 tal Sa./.

Pô mblang: H’Zawut Ƀuôn Yă