VOV4.Êđê -  Aguah 4/7, ti Hà Nội, Adŭ bruă Khua lăn čar bi hgŭm hŏng Phŭn bruă kahan ksiêm, Phŭn bruă hŏng tač êngao leh anăn Sang phat kđi yang ƀuôn gưl dlông mkŏ mning klei bi kƀĭn phung čih klei mrâo hưn mdah Hdră mtrŭn kơ klei phưi mnă thŭn 2022 mơ̆ng Khua lăn čar ala čar yang ƀuôn ngă phŭn Việt Nam gưl 2/9 kơ anăp. Hlue anăn, phung mnă dưi phưi thŭn anei mâo phung hlue ngă jăk klei jing mnă djŏ wưng, phung arăng phat kđi krư̆ kdăl jih klei hdĭp dưi hrŏ mâo wưng kčah, phung arăng brei mdei êjai klei krư̆ kđăl.

Wưng hlue ngă klei krư̆ kđăl čiăng dưi phưi tha yap truh hriê 31 mlan 8 thŭn 2022. Hâo hưn kơ ênoh mnuih dưi phưi hlăm gưl anei, Thiếu tướng Nguyễn Văn Long, K’iăng Khua Phŭn bruă kahan ksiêm brei thâo, klei phưi brei ksiêm dlăng hlue si hdră anăn ka mâo ôh ênoh mrô djŏ klă; phung djăp klei găl srăng dưi phưi. Sĭt ksiêm dlăng brei phưi snăn jih jang phung mnă dưi dlăng mtăp mđơr tơdah djăp klei găl dưi phưi./.

H’ Zawut pô mblang