VOV4.Êđê - Aguah 7/6, ti ƀuôn prŏng Ƀuôn Ama Thuôt, Êpul hgŭm kahan hđăp Việt Nam mkŏ mjing klei bi kƀĭn trông kahan hđăp đru răng mgang wăl hdĭp mda, mâo phung bi ala mơ̆ng Êpul hgŭm kahan hđăp ti 14 čar, ƀuôn prŏng krĭng kwar krah - Lăn Dap Kngư. Hlue si Êpul hgŭm kahan hđăp Việt Nam, mơ̆ng thŭn 2006, Êpul hgŭm hŏng Phŭn bruă ngăn dŏ wăl hdĭp mda bi klă leh dŭm hdră bi hgŭm ngă bruă răng mgang wăl hdĭp mda leh anăn kriê dlăng lăn ala.

Truh ară anei, dŭm gưl êpul mkŏ mjing leh 1.650 gru hmô êpul kahan hđăp đru răng mgang wăl hdĭp mda. Dŭm êpul hgŭm mâo bruă đru răng mgang wăl hdĭp mda, mđĭ ai, hâo hưn kơ bruă anei.  Lu êpul hâo hưn răng mgang wăl hdĭp mda gưl să mâo êpul hgĭm kahan hđăp mkŏ mjing leh anăn ngă bruă tŭ dưn. Hlăm klei bi kƀĭn, phung bi ala ksiêm hriăm, kah mbha dŭm mta phŭn hlăm bruă phung kahan hđăp răng mgang wăl hdĭp mda, klei thâo hlăm bruă hâo hưn, mtô mblang, iêô jak mnuih ƀuôn sang, mđĭ klei thâo kơ phung kahan hđăp, mđĭ lar bruă klam phŭn hlăm hdră răng mgang wăl hdĭp mda./.

H’ Zawut pô mblang