Khua bruă kƀĭn ala Vương Đình Huệ brei thâo, hlăm klei bi kƀĭn tal 5, Bruă kƀĭn ala srăng ngă hnơ̆ng bruă prŏng snăk kơ klei mkŏ mjing hdră bhiăn, ktuê dlăng leh anăn bi mklă dŭm bruă yuôm bhăn. Kyua anăn, hlue si Khua gĭt gai bruă kƀĭn ala, klei bi kƀĭn anei kñăm msir mgaih dŭm bruă anôk mâo klei mĭn mdê mdê leh anăn brei mâo klei sa anăn plah wah anôk bruă hưn mdah leh anăn ksiêm dlăng. 

Lač kơ dŭm boh phŭn êmưt mơĭt kơ anôk bruă ksiêm dlăng leh anăn Dhar bruă kƀĭn ala hmăi kơ bruă hlue ngă hdră mkăn; dŭm boh phŭn yuôm bhăn hưn mdah hŏng Bruă kƀĭn ala truh ară anei ăt ka bi mklă klei mĭn, Khua gĭt gai bruă kƀĭn ala mtă, hŏng dŭm bruă prŏng, dleh dlan, klei blŭ mdê mdê snăn anôk bruă hưn mdah, dŭm phŭn, dhar bruă bi trông klă mngač, bi tŭ ư snăn kơh dưi mâo Bruă kƀĭn ala tŭ ư. Khua knŭk kna mtă kơ bruă kƀĭn ala mđing mbha gưl, klei dưi čiăng ruh mgaih klei kpăk hlăm bruă hlue ngă. Hlăm wưng kơ anăp, knŭk kna srăng gĭt mbha gưl, klei dưi mguôp hŏng mđĭ bruă klam./.