VOV4.Êđê- Hruê 27/9, ti sang bruă kƀĭn ala, Khua bruă kƀĭn ala Vương Đình Huệ gĭt gai Klei bi kƀĭn pŏk ngă Hdră ktuê dlăng mơ̆ng bruă kƀĭn ala thŭn 2023, mkŏ online hŏng 49 êpul bi ala bruă kƀĭn ala dŭm čar, ƀuôn prŏng.  Phung bi ala lač, hlăm wưng êgao, bruă ktuê dlăng mơ̆ng Bruă kƀĭn ala dưi mđĭ leh anăn mâo klei mlih mrâo, ƀrư̆ hruê dưi mđĭ kei tŭ dưn, dưi mâo lu klei yuôm bhăn, mâo phung bi ala kơ mnuih ƀuôn sang leh anăn yang ƀuôn bi mni. Čiăng pŏk ngă tŭ dưn hdră ktuê dlăng mơ̆ng Bruă kƀĭn ala, Dhar bruă kƀĭn ala thŭn 2023, Khua bruă kƀĭn ala Vương Đình Huệ mtă, dŭm anôk bruă mơ̆ng Bruă kƀĭn ala, anôk bruă djŏ tuôm bi mklă bruă mđĭ klei ktuê dlăng jing sa boh phŭn yuôm bhăn, bruă phŭn hlăm hdră mlih mrâo mkŏ mjing leh anăn bruă ngă mơ̆ng bruă kƀĭn ala Việt Nam hlue si klei mĭn Đảng mkŏ mjing Knŭk kna yang ƀuôn ngă phŭn mơ̆ng mnuih ƀuôn snag, kyua mnuih ƀuôn sang, kơ mnuih ƀuôn sang./.

Pô mblang: H’Zawut Ƀuôn Yă