VOV4.Êđê -  Hlue ngă Hdră ksiêm dlăng mơ̆ng Phŭn bruă kđi čar, Anôk dlăng bruă Đảng thŭn 2022, aguah 7/9, ti Hà Nội êpul ksiêm dlăng mơ̆ng Anôk dlăng bruă Đảng, Khua Dhar bruă hâo hưn mtô mblang gưl dlông Nguyễn Trọng Nghĩa ngă khua êpul nao ksiêm dlăng ti Anôk bruă hŏng tač êngao Gưl dlông. Khua Dhar bruă hâo hưn mtô mblang gưl dlông Nguyễn Trọng Nghĩa mtă, Anôk bruă hŏng tač êngao gưl dlông brei lŏ dơ̆ng ksiêm dlăng dŭm Hdră mtrŭn, klei klah čŭn, hdră kčah jăk hĭn hlue si klei gĭt gai mơ̆ng Phŭn bruă kđi čar, Anôk dlăng bruă Đảng hlăm hdră mă bruă, hdră kčah leh.

Brei Anôk bruă hŏng tač êngao lŏ dơ̆ng gĭt gai, mkŏ mjing jăk dŭm boh phŭn anei, brei mâo klei ksiêm dlăng kơ boh sĭt, dŭm klei êdu kƀah, dleh dlan čiăng mâo klei kčĕ ruh mgaih. Mbĭt anăn, brei lar bra dŭm hdră ngă mbruă hlăm klei pŏk ngă hlăm bruă mkŏ mjing Đảng./.

H’ Zawut pô mblang