VOV4.Êđê - Lŏ dơ̆ng hlăm hdră bi kƀĭn prŏng Êpul hgŭm bruă mniê kluôm ala gưl 13, tlam mmăt mbrue (10/3) lŏ čuê klei bi kƀĭn mâo klei bi kƀĭn tal sa wưng păn bruă Êpul hgŭm bruă mniê gưl dlông Việt Nam wưng thŭn 2022 – 2027. Ti anôk bi kƀĭn mâo pô bi ala mơ̆ng dŭm êpul bruă Đảng gưl dlông lehanăn 132/155 čô dôk hlăm êpul khua kiă kriê, jing djăp 85%. Klei bi kƀĭn trông čhai hŏng klei êngiê kơ bruă dăp mnuih hlăm Êpul khua kiă kriê, jing kơ khua kiă kriê, k’iăng khua kiă kriê Êpul hgŭm bruă mniê Việt Nam gưl 13, wưng păn bruă 2022 – 2027. Ti anôk bi kƀĭn jih jang phung khua hlăm êpul kiă kriê nao ti anôk bi kƀĭn bi klă leh ênoh mnuih djŏ jing 31 čô hlăm phung Khua kiă kriê Êpul hgŭm bruă mniê Việt Nam gưl 13. Jih jang mnuih nao kƀĭn ruah leh aduôn Hà Thị Nga, jing pô bi ala bruă kƀĭn ala gưl 15, jing khua kiă kriê Êpul hgŭm bruă mniê gưl 12, ară anei lŏ djŏ ruah khua kiă kriê Êpul hgŭm bruă mniê gưl 13./.

Y-Khem pô mblang