VOV4.Êđê- Aguah 11/5, ti Sang bruă kƀĭn ala, Mphŭn pŏk klei bi kƀĭn tal 11 mơ̆ng Dhar bruă kƀĭn ala. Hlăm klei bi kƀĭn anei, Dhar bruă kƀĭn ala brei klei blŭ mguôp hŏng 11 mta. Hlăm anăn, năng mđing jing klei hưn mdah kơ bruă duh mkra- ala ƀuôn leh anăn prăk knŭk kna thŭn 2021 leh anăn boh klei hlue ngă dŭm mlan akŏ thŭn 2022. Boh nik hlăm klei bi kƀĭn anei, Dhar bruă kƀĭn ala brei klei blŭ mguôp kơ bruă kƀĭn ala ksiêm dlăng, bi mklă hdră mtrŭn duh bi liê Hdră bruă êlan dar 4 krĭng ƀuôn prŏng phŭn Hà Nội, Hdră bruă êlan dar 3 ƀuôn prŏng Hồ Chí Minh; hdră bruă rŭ mdơ̆ng êlan dơ̆ng êran pral Châu Đốc – Cần Thơ - Sóc Trăng; Hdră bruă Khánh Hòa - Buôn Ma Thuột; hdră bruă Biên Hòa - Vũng Tàu.  Anei jing dŭm hdră nruă yuôm bhăn ala čar hlăm klei dưi mơ̆ng bruă kƀĭn ala bi mklă hdră mtrŭn duh bi liê, mâo ba yua lu jơr prăk knŭk kna gưl dlông, alŭ wăl, prăk duh bi liê wưng man dưn leh anăn prăk hlăm ênoh mđĭ kyar bruă duh mkra./.

                                               Pô mblang: H’Zawut Ƀuôn Yă