VOV4.Êđê- Hrue anei (30/5) klei bi kƀĭn tal 3, Bruă kƀĭn ala gưl 15 čhuang hlăm hrue kăm tal 2. Tui si hdră aguah anei bruă kƀĭn ala hmư̆ klei hâo mdah mơ̆ng Êpul ksiêm dlăng, trông čhai hlăm sang bi kƀĭn kơ bruă hlue ngă dŭm hdră êlan, hdră bhiăn čuăl mkă mơ̆ng leh Hdră bhiăn čuăl mkă mâo klei tŭ dưn hlue ngă. Anei jing bruă yuôm bhăn, kyuadah tơ bruă čuăl mkă čhuang đĭ hlăm sa knhuang, mâo hnơ̆ng tŭ dưn kjăp srăng mtrŭt bruă duh mkra lăn čar đĭ kyar. Êngao kơ klei trông čhai hrue anei, hlăm hrue kăm Bruă kƀĭn ala lŏ pioh dua hrue ngă bruă mâo hdră hlŏng mđung asăp mđung rup ti mmông anăn mtam. Anăn jing hlăm hrue 1 lehanăn hrue 2/6, bi trông kơ hdră mđĭ kyar bruă duh mkra ala ƀuôn, lehanăn ngăn prăk knŭk kna hlăm dŭm mlan akŏ thŭn anei, ksiêm wĭt klei hlue ngă hdră mtrŭn mrô 42 thŭn 2017, kơ klei lông mghaih msir nư amâo mâo dưi tla, lehanăn klei lŏ bi tai wưng ba yua hdră mtrŭn anei./.

Pô mblang: Y-Khem Niê