VOV4.Êđê- Hrue mbrue (13/6) kčưm hrue kăm mă bruă mơ̆ng klei bi kƀĭn tal 3, Bruă kƀĭn ala tal 15. Hlăm hrue kăm anei, Bruă kƀĭn ala pioh leh lu mmông čiăng trông čhai, mă klei blŭ kơ dŭm mta bruă: Kơ hdră bhiăn mkă dlăng, mdrao mgŭn (lŏ mlih mrâo); Hdră bhiăn ksiêm dlăng (lŏ mlih mrâo); hdră bhiăn hluê nga klei êngiê ngă phŭn nah gŭ; Hdră bhiăn kdơ̆ng hŏng klei ngă jhat hlăm găp djuê (lŏ mlih mrâo); hdră bhiăn êa pui êwa čuh (lŏ mlih mrâo); hdră bhiăn mlih mrâo thiăm mbŏ đ’đa mta hlăm hdră bhiăn Dăng kông êlan kbưi. Phung bi ala srăng bi mklă lu hdră bhiăn, lehanăn dŭm hdră mtrŭn mơ̆ng bruă kƀĭn ala. Jih jang hdră bhiăn srăng mâo bi mklă jing: Hdră bhiăn kahan ksiêm knhăk; hdră bhiăn fim rup (lŏ mlih mrâo); hdră bhiăn bi ktưn, pah mni (lŏ mlih mrâo); hdră bhiăn mlih mrâo thiăm mbŏ đa đa mta mơ̆ng Hdră bhiăn kiă kriê klei mĭn; hdră bhiăn čhĭ hră ênua (lŏ mlih mrâo)./.

Pô mblang: Y-Khem Niê