Aguah 13/5, ti Sang bruă kƀĭn ala, ti gŭ klei gĭt gai mơ̆ng K’iăng Khua bruă kƀĭn ala Trần Thanh Mẫn, Dhar bruă kƀĭn ala mphŭn pŏk klei bi kƀĭn tal 33. Mkŏ mjing hlăm 3 hruê, hlăm klei bi kƀĭn tal 33,l Dhar bruă kƀĭn ala ksiêm dlăng, brei klei blŭ hlăm 14 boh phŭn yuôm bhăn mprăp kơ klei bi kƀĭn tal 7, Bruă kƀĭn ala gưl 15. K’iăng Khua bruă kƀĭn ala Trần Thanh Mẫn lač klă.

Knŏng adôk 1 hruê kăm mkŏ mjing klei bi kƀĭn tal 7, Bruă kƀĭn ala gưl 15, hlăk êjai anăn hnơ̆ng bruă mălu, kyua anăn, hlăm klei bi kƀĭn tal 33, mtă kơ phung hlăm Dhar bruă kƀĭn ala brei klei blŭ kơ hră mơar leh anăn dŭm boh phŭn mơ̆ng grăp hdră bruă, hră čih Hdră bhiăn, Hdră mtrŭn, hlăm anăn bi klă hdră bruă, hră čih dŭm hdră mtrŭn mơ̆ng Đảng; păn kjăp hdră kñăm, klei mĭn gĭt gai mkŏ mjing hdră bhiăn, hdră mtrŭn; klei djŏ hdră bhiăn phŭn. K’iăng Khua bruă kƀĭn ala Trần Thanh Mẫn mtă kơ dŭm anôk bruă mjêč bi leh boh phŭn hlăm bruă klam, hnưm mơĭt hră mơar kơ phung bi ala bruă kƀĭn ala ksiêm hriăm êlâo kơ Klei bi kƀĭn tal 7.