Klei bi kƀĭn bi trông, bi tŭ ư dŭm boh phŭn ksiêm dlăng boh tŭ pŏk ngă hlăm thŭn êgao, boh nik dŭm bruă dua tĭng msir mgaih bi jih, dŭm bruă adôk kpăk đuôm, hdră msir mgaih ăt msĕ mơh bruă klam, hdră tă mrâo hlăm thŭn 2024. Klah čŭn klei bi kƀĭn, dua Khua knŭk kna mñă klă srăng gĭr kƀĭn gĭt gai dŭm Phŭn, dhar bruă, alŭ wăl, anôk bruă duh mkra djŏ tuôm bi hgŭm kjăp pŏk ngă tŭ dưn klei kuôl kă, klei ƀuăn rơ̆ng, lŏ dơ̆ng mjing klei găl kơ anôk bruă duh mkra dua ala čar bi hgŭm bi liê, mkra mjing mnia blei.

Dua tĭng đăo knang klei tŭ jing mơ̆ng Klei bi kƀĭn srăng mjing boh kdrŭt đru kơ klei bi hgŭm plah wah dua ala čar ƀrư̆ hruê ƀrư̆ đĭ kyar, êlam hĭn, sĭt hĭn, đăo knang, tŭ dưn, đru mguôp amâo mdei klei bi hgŭm prŏng, bi hgŭm kluôm Việt Nam- Lao hlăm wưng kơ anăp./.