Blŭ pŏk klei bi kƀĭn, Khua bruă kƀĭn ala Vương Đình Huệ brei thâo: Tĭng mkă hlăm 23 hrue mă bruă, bruă kƀĭn ala ksiêm, bi mklă dŭm mta bruă yuôm bhăn, mbĭt hŏng anăn mkŏ mjing klei bhiăn, ti anôk bi kƀĭn tal anei bruă kƀĭn ala srăng bi klă truh 20 mta bruă yuôm bhăn. Boh nik dŭm bruă rŭ mkra êlan klông mơ̆ng êlan dơ̆ng prŏng mrô 27C truh kơ êlan dơ̆ng čar ĐT.656 čar Khánh Hòa – mkŏ hŏng čar Lâm Đồng lehanăn Ninh Thuận; Lŏ bi mlih dŭm hdră êlan mkra ênao mgơ̆ng êa Ka Pét, kdriêk Hàm Thuận Nam, čar Bình Thuận….

Ti anôk bi kƀĭn tal anei, bruă kƀĭn ala ksiêm klei hâo mdah mơ̆ng knŭk kna kơ klei lŏ mbŏ dŭm bruă duh mkra ala ƀuôn, lehanăn klei kơ ngăn prăk knŭk kna leh bi liê thŭn 2021. Khua bruă kƀĭn ala lač, hlăm dŭm mlan akŏ thŭn 2023, klei duh mkra kluôm ala čar drei ăt hơĭt, klei prăk luič ênoh dưi ksiêm dlăng klei tĭng mkă bi kna jih jang dŭm mta bruă prŏng, rơ̆ng bi hơĭt klei hdĭp mda ala ƀuôn lehanăn klei hdĭp mnuih ƀuôn sang./.