Hlăm gưl 2 anei, Bruă kƀĭn ala lŏ dơ̆ng mơ̆ng hrue 19 hlŏng truh jih hrue 24/6. Bruă kƀĭn ala lŏ trông čhai kơ 10 mta klei čih mkra hdră bhiăn, ksiêm bi mklă 8 hdră bhiăn, 11 hdră mtrŭn. Hlăm aguah hrue 19/6, mă klei blŭ kơ klei čih mkra hdră bhiăn sang dôk lŏ mlih mrâo, phung bi ala akâo kơ čoh čuăn klei kơ sang dôk anôk lu mnuih bi djŏ hŏng klei kruak leh hlăm bruă čuăl mkă hnơ̆ng tŭ mơ̆ng sang. Klei čoh čuăn anăn ba wĭt klei tŭ dưn kơ mnuih ƀuôn sang ba yua sang anăn...

Bruă mđĭ kyar sang dôk lu mnuih, phung bi ala mâo klei blŭ kñăm tui duah hdră êlan jăk hĭn, mghaih msir hĕ djăp mta klei amâo mâo djŏ hlăm wưng leh êgao klei kơ sang dôk lu mnuih, kơ klei duh bi liê mđĭ kyar sang dôk bi djŏ guôp. Tui si pô bi ala Nguyễn Văn Hiển, êpul mơ̆ng Lâm Đồng, năng bi mđing ngă jăk hĭn bruă mđĭ kyar sang lu mnuih, bi djŏ hŏng klei mnuih ƀuôn sang čiăng kơ sang dôk, amâo mâo djŏ ôh knŏng mĭn kơ pô sang đuič./.