Khua bruă kƀĭn ala Trần Thanh Mẫn brei thâo, hlăm klei bi kƀĭn anei, Dhar bruă kƀĭn ala srăng brei klei blŭ mguôp hŏng 100 hră čih hdră bhiăn leh anăn 1 hră čih Hdră mtrŭn mĭn tĭng hưn bi mklă hlăm Klei bi kƀĭn sa. Hnơ̆ng boh phŭn lu, hnơ̆ng mkra mlih mâo lu mơh, lu bruă dôk mâo klei blŭ mdê mdê, brei phung mă bruă hlăm Dhar bruă kƀĭn ala, dŭm phŭn, dhar bruă kƀĭn bi mklă bruă dôk gun kpăk, dŭm hdră êlan dôk mâo  hdră ruah, dŭm boh phŭn brei akâo klei blŭ gĭt gai čiăng bi tŭ ư êlâo kơ hưn mdah hŏng Bruă kƀĭn ala.

Mñă klă knŏng dôk 13 hruê truh yơh hruê ruah khua, Khua bruă kƀĭn ala mñă klă klei gĭt gai mơ̆ng Khua gĭt gai Đảng Tô Lâm, bruă klam phŭn hlăm mlan 3 anei jing brei ngă klei ruah khua phung bi ala  Bruă kƀĭn ala leh anăn bi ala Êpul gơ̆ng bruă ƀuôn sang dŭm gưl leh anăn mprăp kơ klei bi kƀĭn tal sa, Bruă kƀĭn ala gưl 16, klei bi kƀĭn tal sa mơ̆ng Êpul gơ̆ng bruă ƀuôn sang dŭm alŭ wăl tŭ jing jăk siam.