VOV4.Êđê - Aguah hruê 14/1, ti Hà Nội, Êpul hgŭm mnuih khua thŭn Việt Nam mkŏ mjing leh Klei bi kƀĭn tal 6, wưng thŭn 2021-2026. Dŭm thŭn êgao, hdră bruă “Thŭn khua – Gru mngač” jak iêu leh dŭm êklăk čô mnuih khua thŭn nao hgŭm; mâo leh 650 êbâo čô mnuih khua thŭn nao hgŭm hlăm hdră bruă yang ƀuôn ti gưl nah gŭ msĕ si: Khua bruă Đảng, Khua êpul mnuih ƀuôn sang dôk, Êpul bi mgrăng, hdră bruă mặt trận lehanăn dŭm êpul bruă yang ƀuôn đru mkŏ mkra anôk bruă kđi čar nah gŭ kjăp ktang. Blŭ hrăm ti knăm anei, K’iăng khua anôk bruă kƀĭn ala Trần Thanh Mẫn mñă klă kơ bruă brei jiă kma klei mĭn mơ̆ng Hồ Chí Minh mtă nanao kơ grăp čô. Anăn jing grăp čô knuă druh, Đảng viên, mnuih mă bruă brei thâo mpŭ kơ mnuih mduôn khua. Mbĭt anăn mtă kơ Êpul hgŭm mnuih khua thŭn lŏ dơ̆ng mlih mrâo kơ hdră mă bruă, jak iêu lu mnuih hĭn nao hgŭm hlăm hdră bi ktưn “Thŭn khua – Gru mngač”./.

H’Nêč pô mblang