VOV4.Êđê- Hrue mbrue (29/6), ti Praha mkŏ mjing leh klei bi kƀĭn tal 7 Êpul hgŭm knŭk kna Việt Nam – Czech kơ bruă hgŭm duh mkra. Êpul mơ̆ng Việt Nam mâo Đặng Hoàng An, k’iăng khua phŭn bruă tuh tia mnia mblei, hlŏng păn nga khua kiă kriê bruă hgŭm knuưk kna tĭng kơ Việt Nam ngă khua êpul, mbĭt hŏng phung khua êmua hlăm êpul bi ala kơ adŭ bruă knŭk kna, dŭm phŭn bruă lehanăn phung duh mkra Việt Nam.

Blŭ hrăm ti anôk mă bruă, K’iăng khua phŭn bruă Đặng Hoàng An brei thâo klei hgŭm mbĭt, hgŭm bruă mâo leh mơ̆ng đưm plah wah dua ala čar ƀrư̆ hrue mâo hyuă kjăp hĭn. Mơ̆ng dŭm boh tŭ dưn leh mâo wưng leh êgao, dua nah mñă klei bi kƀĭn tal 7 jing yuôm bhăn kñăm tui duah hdra êlan hgŭm bruă hlăm boh klei mrâo, bi trông kơ djăp hdră kñăm mâo klei mđĭ kyar bruă hgŭm dua nah, anăp truh jing ƀĭng hgŭm bi duh mkra yuôm bhăn hdơ̆ng găp./.

Pô mblang: Y-Khem Niê