Êlâo kơ mkŏ mjing klei bi kƀĭn, Phŭn bruă kđi čar mâo klei hâo mdah, ruah Đại tướng Lương Cường, Khua adŭ bruă kđi car lĭng kahan yang ƀuôn Việt Nam dôk hlăm êpul khua kiă kriê, lehanăn păn ngă Khua gĭt gai êpul khua kiă kriê. Ruah Lê Minh Hưng, Khua adŭ bruă Đảng gưl dlông mdưm păn ngă khua kiă kriê Êpul bruă Đảng gưl dlông. Leh kơ anăn, Gưl dlông mă klei blŭ kơ bruă mnuih ngă bruă, ksiêm dlăng klei ƀuah mkra klei ngă soh. Tlam, Êpul khua kiă kriê bruă Đảng gưl dlông mă bruă hlăm êpul trông čhai kơ klei bhiăn hâo mdah bruă kđi čar mơ̆ng Êpul khua kiă kriê bruă Đảng gưl dlông gưl 13 pioh kơ klei bi kƀĭn prŏng Đảng kluôm ala gưl 14, klei hâo mdah ƀhĭ ênŭm hlăm 5 thŭn hlue ngă hdră êlan duh mkra ala ƀuôn 10 thŭn (2021 - 2030), Hdră mđĭ kyar bruă čuăl mkă duh mkra 5 thŭn, wưng thŭn 2026 - 2030.

Ăt ti knăm mphŭn pŏk Klei bi kƀĭn tal 9 Anôk kriê dlăng bruă Đảng gưl dlông tal XIII aguah hruê 16/5, Anôk kriê dlăng bruă Đảng gưl dlông ruah leh 4 čô Khua hlăm Phŭn bruă kđi čar tal XIII. Hluê anăn, gưl dlông ruah leh 4 čô mâo: Lê Minh Hưng, Khua hlăm Anôk bruă Đảng gưl dlông, Khua Anôk bruă mkŏ mjing gưl dlông, Khua Adŭ bruă Đảng gưl dlông; Nguyễn Trọng Nghĩa, Khua hlăm Anôk bruă Đảng gưl dlông, Khua Anôk bruă kiă kriê klei hâo hưn gưl dlông, Bùi Thị Minh Hoài, Khua hlăm Anôk bruă Đảng gưl dlông, Khua Anôk bruă đru čung ba mnuih ƀuôn sang gưl dlông; Đỗ Văn Chiến, Khua hlăm Anôk bruă Đảng gưl dlông, Khua Dhar bruă Mặt trận čar kwar Việt Nam./.