VOV4.Êđê- Aguah hruê 23/6, ti ƀuôn prŏng Hồ Chí Minh, Anôk bruă mkŏ mjing gưl dlông bi hgŭm hŏng Êpul hgŭm hlak mblang gưl dlông lehanăn bruă Đảng ƀuôn prŏng Hồ Chí Minh mkŏ mjing Klei bi kƀĭn trông kreh knhâo gưl ala čar “Mlih mrâo hdră kiă kriê mơ̆ng Đảng hŏng hdră bruă kđi čar – dŭm klei hlak mblang lehanăn klei mâo sĭt” ti krĭng kwar Dhŭng. Blŭ hrăm ti knăm anei, Khua bruă Đảng ƀuôn prŏng Nguyễn Văn Nên brei thâo, mơ̆ng klei bi kƀĭn trông, ƀuôn prŏng srăng tŭ mă lu klei hriăm mơ̆ng phung thơ̆ng kơ bruă, phung mă bruă kreh knhâo, mơ̆ng dŭm čar, ƀuôn prŏng mkăn čiăng ba yua hlăm boh klei mâo sĭt. Dŭm klei blŭ ti knăm anei mđing kơ bruă tĭng dlăng 15 thŭn hluê ngă Hdră mtrŭn mrô 15, klei mâo ti alŭ wăl, klei ba mdah dŭm hdră msir đru kơ Anôk bruă gĭt gai ba mdah dŭm mta klei hlăm Hdră bruă ba mdah kơ Anôk kriê dlăng bruă gưl dlông hlăm mlan 10 thŭn 2022, čiăng kơ gưl dlông ksiêm dlăng, ba mdah Hdră mtrŭn lehanăn lŏ dơ̆ng mlih mrâo hdră kiă kriê mơ̆ng Đảng hŏng anôk bruă kđi čar hlăm boh klei mrâo./.

                                                    Pô mblang: H’Nêč Êñuôl