VOV4.Êđê - Bi hdơr 115 thŭn Hruê kkiêng Khua gĭt gai Đảng Trường Chinh (09/02/1907-09/02/2022), aguah mbruê (9/2), Sang hră ksiêm hriăm kơ bruă kđi čar ala čar Hồ Chí Minh mkŏ mjing leh Klei bi kƀĭn trông kreh knhâo: Trường Chinh - Khua kiă kriê mâo lu klei bi mlih, mkra mrâo. Dŭm klei hưn mdah ti anôk bi kƀĭn trông lŏ dơ̆ng mñă klă: Trường Chinh jing sa čô khua kiă kriê êdah êdi mơ̆ng Đảng lehanăn Knŭk kna, hđeh hriăm hră thâo êdi mơ̆ng Khua gĭt gai Hồ Chí Minh. Sa hlăm dŭm klei đru mguôp prŏng mơ̆ng Ñu jing hrăm mbĭt hŏng Anôk bruă Đảng gưl dlông tui duah, mjing tur knơ̆ng lehanăn jing pô phŭn đru mguôp kơ hdră mlih mrâo kluôm dhuôm ti Việt Nam, hlăm anăn êlâo hĭn jing ksiêm hriăm, mlih mrâo klei mĭn hlăm bruă duh mkra. 81 thŭn dôk hdĭp, 60 thŭn mă bruă krŭ kgŭ kdơ̆ng, Trường Chinh mâo leh lu klei đru mguôp kơ hdră krŭ kgŭ kdơ̆ng mơ̆ng Đảng lehanăn mnuih ƀuôn sang./.

H’Nêč pô mblang