Ti anôk bi kƀĭn, Êpul gơ̆ng bruă ƀuôn sang čar Daklak ngă leh bruă ruah mdưm mnuih ngă bruă hlăm knơ̆ng bruă sang čư̆ êa čar gưl 10, wưng păn bruă 2016- 2021 hŏng H’Yâo Knul, Khua bruă Đảng kdriêk Krông Ana, Jing khua êpul bruă djuê ana hlăm knơ̆ng bruă sang čư̆ êa čar, kyua nao ngă bruă mkăn.

Êpul gơ̆ng bruă ƀuôn sang bi mklă leh mơh, thiăm mbŏ khua êmua hlăm knơ̆ng bruă sang čư̆ êa čar Daklak gưl 10, wưng păn rbuă thŭn 2021-2026 hŏng Nguyễn Kính, Khua dhar bruă djuê ana mơ̆ng knơ̆ng bruă sang čư̆ êa čar. Ăt ti anôk bi kƀĭn truăn kơ bruă tal 13 anei, Êpul gơ̆ng bruă djuê ana čar Daklak trông čhai ksiêm bi mklă truh 7 hdră mtrŭn yuôm bhăn, kơ bruă kiă kriê klei duh mkra ala ƀuôn hlăm čar. Hlăm anăn mâo dŭm hdră hdră mtrŭn: Lăm lui hdră mtrŭn mơ̆ng knơ̆ng bruă sang čư̆ êa čar kơ klei bi liê ngăn prăk čar mkra êlan Hồ Chí Minh kdrêč dar nah ngŏ ƀuôn prŏng Ƀuôn Ama Thuôt; Hdră mtrŭn čoh čuăn kơ prăk huă kơ knuă druh, kahan K51 nao tui duah klang kleh kahan djiê êngiă ti ala tač êngao; hdră mtrŭn čoh čuăn kơ bruă Rŭ mdơ̆ng bruă yang ƀuôn mjuăt bi hriăm wưng thŭn 2021 - 2030”.