Pô bi ala kơ knơ̆ng bruă sang čư̆ êa čar   Quảng Ninh tŭ mă leh hla čhiăm gru, lehanăn jing êpul êya klam bruă mkŏ mjing klei bi lông hdră mđung asăp kluôm ala tal 17 – thŭn 2026.  Leh sa wưng mă bruă hŏng klei mjêč pral, mâo bruă đua klam, Êpul gơ̆ng bruă kiă kriê klei bi lông hdră mđung asăp kluôm ala tal 16 mâo ruah leh truh 28 klei pah mnia êa mah, 58 klei pah mnia êa prăk, 71 klei pah mnia êa kông, lehanăn 63 klei pah mni bi mđĭ ai, mbĭt hŏng lu klei pah mni mkăn.

Ti anôk bi lông anei, Anôk bruă jưh dôk ti Lăn Dap kngư mơ̆ng sang mđung asăp blŭ Việt Nam mâo tŭ mă klei pah mni êa kông hŏng akŏ klei čih ba bi lông jing “Tui hlue Đảng mnuih Êđê sa ai tiê rŭ mdơ̆ng ƀuôn sang”. Klei bi lông hdră mđung asăp kluôm ala tal 16 dưi yap jing ba wĭt klei tŭ jing prŏng hlăm djăp mta, hŏng dŭm klei ba bi lông jăk, djăp ênoh čuăn, lu kơ ênoh lehanăn hnơ̆ng jăk, hlăm hdră mă bruă ênuk mrâo, trŭn hŏng bruă hĭn mâo hnơ̆ng prŏng lehanăn klei thâo mkŏ mjing./.